2025-11-22
Film taniqli o‘zbek rejissyori, "Pandemiya" filmi muallifi Abu Tolib Adamkulov tomonidan tasvirga olinishi rejalashtirilgan.
Shu maqsadda rejissyor Abu Tolib Adamkulov ijodiy jamoasi bilan Milliy kinologiya markazida bo‘lib, markaz faoliyati bilan yaqindan tanishdi.
Tanishuv davomida rejissyorga Markazdagi o‘quv xonalari, mashg‘ulot maydonlari, xizmat itlarini turli yo‘nalishlarga tayyorlash va ularni saqlanishi hamda kinologlarni o‘qitish tizimi bo‘yicha ma’lumot berildi.
Ta’kidlash joizki, “Bolakay” filmida bolalarda aynan bojxona sohasiga qiziqish uyg‘otish, bojxona xodimlarining fidoyiligini kinologiya va xizmat itlari faoliyati orqali ochib berish rejalashtirilgan.
Eslatib o‘tamiz. bolalarimizning ongi va dunyoqarashi muhofazasi uchun Davlatimiz Rahbarining "Bolalar uchun mo‘ljallangan milliy kontentlar yaratish va ularni ommalashtirishni qo‘llab-quvvatlash chora-tadbirlari to‘g‘risida" 2025 yil 15-maydagi PQ-183-son qarori asosida tuzilgan Bolalar kontentini rivojlantirish markazi joriy yilning avgust oyida bolalar uchun mazmunli va milliy ruhdagi kontentlar yaratishga qaratilgan ijodiy tanlovlar e’lon qilgan edi.
Tanlovning “Badiiy filmlar” yo‘nalishida taqdim etilgan ijodiy ishlar orasidan rejissyor Abu Tolib Adamqulovning “Bolakay” loyihasi g‘olib deb topilgan va hozirda film ssenariysi ustida ishlar davom etmoqda.
Rejissyorning Milliy kinologiya markazi bilan tanishuvi ushbu film ssenariysini hayotiy va ta’sirchan tarzda ishlab chiqish maqsadida tashkil qilindi.